កម្មវិធីស្ដីពីការបង្ហាញភាពងាយរងគ្រោះរបស់ Visa

នៅពេលអ្នករាយការណ៍ពីភាពងាយរងគ្រោះមកកាន់យើង អ្នកអាចរំពឹងថាយើងនឹង៖

• បន្តបទប្បញ្ញតិការពារស្របច្បាប់ឲ្យអ្នកសម្រាប់របាយកាណ៍ស្ដីពីភាពងាយរងគ្រោះដែលបានដាក់បញ្ជូនស្របតាម​ច្បាប់កម្មវិធីរបស់យើង
• ធ្វើការជាមួយអ្នកដើម្បីដឹង និងធ្វើឲ្យរបាយការណ៍របស់អ្នកមានសុពលភាព រួមទាំងការឆ្លើយតបដំបូងចំពោះការដាក់ស្នើឲ្យបានទាន់ពេលវេលា
• ធ្វើការដោះស្រាយលើភាពងាយរងគ្រោះដែលបានរកឃើញក្នុងលក្ខណៈសមហេតុផល

សូមចំណាំថាកម្មវិធីនេះមិនគួរត្រូវបានបកស្រាយថាជាការលើកទឹកចិត្ត ឬការអនុញ្ញាតឲ្យលួចចូល ជ្រៀតចូល ឬព្យាយាមទទួលបានសិទ្ធិចូលប្រើប្រាស់កម្មវិធី ប្រព័ន្ធ ឬទិន្នន័យរបស់ Visa ដោយគ្មានការអនុញ្ញាតនោះទេ។ ដើម្បីជៀសវាងការភាន់ច្រឡំណាមួយរវាងការរាយការណ៍ដោយបំណងល្អ និងការវាយប្រហាររិះគន់យ៉ាងខ្លាំងៗដោយគំនិតព្យាបាទ យើងសុំឲ្យអ្នក៖

• រាយការណ៍ពីភាពងាយរងគ្រោះដែល​បានបញ្ជាក់ ឬសង្ស័យដែលអ្នកបានរកឃើញភ្លាមៗ
• ហាមបំពាន​ឯកជនភាពរបស់អ្នកដទៃ បង្អាក់ប្រព័ន្ធរបស់យើង បំផ្លាញទិន្នន័យ និង/ឬធ្វើឲ្យប៉ះពាល់ដល់​បទពិសោធន៍អ្នកប្រើ
• ហាមធ្វើ​វិស្វកម្ម​សង្គម (ឧ. ការបោកបញ្ឆោតតាមអ៊ីមែល ការបោកបញ្ឆោតតាមទូរសព្ទ ការបោកបញ្ឆោតតាមសារ)
• ប្រសិនបើភាពងាយរងគ្រោះផ្ដល់នូវការចូលប្រើប្រាស់ទិន្នន័យដោយអចេតនា៖ សូមបញ្ឈប់ការធ្វើតេស្ត ហើយដាក់បញ្ជូនរបាយការណ៍ភ្លាមៗ (ឧ. ប្រសិនបើអ្នកជួបប្រទះនឹងទិន្នន័យរបស់អ្នកប្រើប្រាស់ណាមួយក្នុងអំឡុងពេលធ្វើតេស្ត ដូចជាព័ត៌មានផ្ទាល់ខ្លួន ទិន្នន័យកាតឥណទាន ឬព័ត៌មានកម្មសិទ្ធិ) – អ្នកមិនត្រូវបានអនុញ្ញាតឲ្យចូលប្រើទិន្នន័យរបស់ Visa ណាមួយឡើយ
• ផ្តល់ឲ្យយើងនូវពេលវេលាសមស្របមួយ ដើម្បីដោះស្រាយភាពងាយរងគ្រោះ
• រក្សាព័ត៌មានលម្អិតណាមួយនៃភាពងាយរងគ្រោះដែលបានរកឃើញជាការសម្ងាត់
• ហាមចាប់ផ្ដើម​ប្រតិបត្តិការ​ហិរញ្ញវត្ថុណាមួយដែលមិនមានការអនុញ្ញាត
• ធ្វើអន្តរកម្មជាមួយគណនីដែលអ្នកគ្រប់គ្រង ឬដោយមានការអនុញ្ញាតច្បាស់លាស់ពី​អ្នកកាន់គណនី​ប៉ុណ្ណោះ
• ហាមបំពាន​ច្បាប់ ឬបទប្បញ្ញតិជាតិ រដ្ឋ ឬក្នុងមូលដ្ឋាន

សកម្មភាពធ្វើតេស្តដែលបានធ្វើឡើងស្របតាម​កម្មវិធីនេះត្រូវបានការពារដោយបទប្បញ្ញត្តិការពារស្របច្បាប់ នេះមានន័យថាយើងនឹងមិនចាត់វិធានការផ្លូវច្បាប់ប្រឆាំងនឹងអ្នកទេ។ ប្រសិនបើវិធានការផ្លូវច្បាប់ប្រឆាំងនឹងអ្នកត្រូវបានផ្តួចផ្តើមឡើងដោយភាគីទីបី ដែលទាក់ទងនឹងសកម្មភាពដែលធ្វើឡើងស្របតាម​ច្បាប់របស់យើង នោះយើងនឹងចាត់វិធានការដើម្បីឲ្យដឹងជាសាធារណៈថាសកម្មភាពរបស់អ្នកត្រូវបានធ្វើឡើងស្របតាមកម្មវិធីស្ដីពីការបង្ហាញភាពងាយរងគ្រោះរបស់ Visa។

ក្នុងប្រតិបត្តិការកម្មវិធីនេះ Visa មិនលះបង់សិទ្ធិណាមួយដែលខ្លួនអាចមាន ដោយការមិនអនុវត្ត (ឬពន្យារពេលអនុវត្ត) សិទ្ធិបែបនោះឡើយ។ លើសពីនេះទៅទៀត ប្រសិនបើអ្នកបំពានច្បាប់ នោះ Visa នឹងរក្សាសិទ្ធិទាំងអស់ និងដំណោះស្រាយផ្សេងទៀតដែលមានចំពោះ Visa តាមច្បាប់ ឬដោយសមធម៌ រួមទាំងសិទ្ធិក្នុងរក្សាការពារ ការអនុវត្តជាក់លាក់ ឬការអនុគ្រោះប្រកបដោយសមធម៌ផ្សេងទៀត។

សូមអរគុណដែលបានជួយយើងក្នុងការរក្សា​អតិថិជន និងទិន្នន័យរបស់ Visa ឲ្យមានសុវត្ថិភាព។ សូមដាក់បញ្ជូនរបាយការណ៍មកយើងមុនពេលចូលរួមនៅក្នុងការអនុវត្តដែលអាចមិនស្របតាមច្បាប់របស់យើង។