ពីអាជីវកម្មខ្នាតតូចរហូតដល់ជាចំណុចស្នូលនៃសហគមន៍

ដំបូង ដំណើរអាជីវកម្មរបស់គាត់ដំណើរការយឺត និងបោះជំហានទៅមុខបន្តិចម្តងៗ។ ឪពុករបស់អ្នកស្រី Mokgadi មានសំបុកឃ្មុំនៅកសិដ្ឋានពាសពេញតំបន់ ហើយតាំងពីក្មេង គាត់បានលក់ទឹកឃ្មុំដែលគាត់បានផលិត ហើយច្រកដាក់ដបនៅក្នុងផ្ទះបាយឪពុកម្តាយរបស់ពួកគេ។ អតិថិជនភាគច្រើនជាមិត្តភក្តិ និងអ្នកជិតខាង។ មិនយូរប៉ុន្មាន អ្នកស្រី Mokgadi បានលក់ទឹកឃ្មុំលើសពីចំនួនដែលឪពុករបស់គាត់អាចផ្គត់ផ្គង់បាន ហើយគាត់បានវិនិយោគលើសំបុកឃ្មុំដោយខ្លួនគាត់ផ្ទាល់។

កាលពីមុន គាត់បានទទួលការបញ្ជាទិញតាមអ៊ីមែលតាមដានការបញ្ជាទិញទាំងនោះលើសៀវភៅបញ្ជី ហើយដឹកជញ្ជូនទឹកឃ្មុំតាមសេវាកម្មដឹកអីវ៉ាន់។ គាត់បានចាប់ផ្តើមប្រតិបត្តិការទាំងមូលតាំងពីបាតដៃទទេរ រីកលូតលាស់បន្តិចម្តងៗ ជាមួយនឹងការធ្វើទីផ្សារដោយពាក្យសម្តី។ មិនយូរប៉ុន្មាន ដោយមានការជួយពីមិត្តភក្តិ គាត់អាចបង្កើតគេហទំព័រ ហើយផ្សព្វផ្សាយផលិតផលរបស់គាត់តាមអ៊ីនធឺណិត។ អាជីវកម្មគឺល្អ ប៉ុន្តែមានដែនកំណត់។ ក្រុមហ៊ុន Native Nosi អាចទូទាត់បានតែជាមួយនឹងសាច់ប្រាក់ និងការផ្ទេរប្រាក់ប៉ុណ្ណោះ។

“យើងបានឈានដល់កម្រិតអតិបរមាលើបរិមាណដែលយើងអាចលក់បាន ដោយសារតែយើងទូទាត់តែតាមសាច់ប្រាក់ប៉ុណ្ណោះ។ ហើយនៅពេលដែលអ្នកមានអាជីវកម្មដែលអាចទូទាត់បានតែសាច់ប្រាក់ អាជីវកម្មរបស់អ្នកមិនត្រូវបានចាត់ទុកជាអាជីវកម្មពិតប្រាកដទេ។”

អ្នកស្រី Mokgadi បានដឹងថា ដើម្បីឲ្យក្រុមហ៊ុន Native Nosi រីកចម្រើន និងត្រូវបានទទួលស្គាល់ជាផ្នែកសំខាន់មួយនៃសេដ្ឋកិច្ចក្នុងមូលដ្ឋាន គាត់ត្រូវទទួលដំណោះស្រាយទូទាត់ថ្មី ដូចជាកាតឥណទាន និងឥណពន្ធ។

“ស្តាប់មើលទៅពិតជាសាមញ្ញណាស់ ចំពោះការបន្ថែមជម្រើសកាតឥណទាន និងឥណពន្ធទៅក្នុងដំណើរការគិតប្រាក់របស់អ្នក។ ប៉ុន្តែធនាគារក្នុងមូលដ្ឋានត្រូវការភស្តុតាងនៃប្រាក់ចំណូលខ្ពស់ មុនពេលពួកគេនឹងផ្តល់សេវាកម្មនោះដល់អាជីវកម្មខ្នាតតូច។ ខ្ញុំមិនអាចឈានដល់កម្រិតប្រាក់ចំណូលរបស់ពួកគេ បានទេ រហូតដល់ខ្ញុំអាចទទួលយកកាតឥណទាន ដូច្នេះហើយ ខ្ញុំបានជាប់គាំង។” 

ទោះជាយ៉ាងនេះក្តី អ្នកស្រី Mokgadi មិននៅជាប់គាំងយូរដែរ។ គាត់បានរកឃើញដំណោះស្រាយនៅក្នុងដៃគូរបស់ Visa គឺក្រុមហ៊ុន Yoco ដែលជាក្រុមហ៊ុនបច្ចេកវិទ្យាហិរញ្ញវត្ថុដែលបង្កើតឡើងជាពិសេសដើម្បីជួយដល់អាជីវកម្មខ្នាតតូច។ ត្រឹមតែរយៈពេលពីរបីថ្ងៃប៉ុណ្ណោះ អ្នកស្រី Mokgadi បានកំពុងទទួលយកកាតឥណទាន និងឥណពន្ធតាមអ៊ីនធឺណិត ហើយក្រុមហ៊ុន Native Nosi ចាប់ផ្តើមរីកស្គុះស្គាយឡើង។

ដោយអាជីវកម្មឥឡូវនេះមានការរីកលូតលាស់ល្អ Mokgadi បានគិតត្រឡប់មកជួយគាំទ្រដល់អ្នកផ្សេងទៀតដូចជារូបគាត់ផ្ទាល់។ តើគាត់អាចប្រើប្រាស់បទពិសោធន៍របស់គាត់ ដើម្បីជួយគាំទ្រដល់មហិច្ឆតាអាជីពរបស់ស្ត្រីដទៃទៀតយ៉ាងដូចម្តេច? គាត់បានមើលឃើញទីធ្លារូបវន្តមួយជាយូរមកហើយ – ជាកន្លែងដែលអតិថិជនអាចមើលឃើញ ប្រើប្រាស់ ហើយថែមទាំងអាចប៉ះលើផលិតផល ដែលគាត់បានច្នៃយ៉ាងប៉ិនប្រសប់។ កន្លែងដែលទឹកឃ្មុំស្ថិតនៅចំណុចស្នូលនៃសហគមន៍។ ហើយជាកន្លែងដែលគាត់នឹងលើកកម្ពស់សហគ្រិនអាហ្វ្រិកជាស្តី្រភេទផ្សេងទៀត។

កាលពីខែកក្កដា ឆ្នាំ 2020 ចំពេលមានជំងឺរាតត្បាតសកល ព្រមទាំងសេដ្ឋកិច្ចមិនច្បាស់លាស់នោះ អ្នកស្រី Mokgadi បានបើកផ្សារហាងលក់រាយធំមួយនៅ Pretoria ។ “ចក្ខុវិស័យរបស់ខ្ញុំគឺមិនត្រូវលក់ទឹកឃ្មុំច្រើនជាងអ្នកដទៃទៀតទេ។ ចក្ខុវិស័យរបស់ខ្ញុំ – អ្វីដែលខ្ញុំមានអារម្មណ៍ថាត្រូវបានផ្តល់ឲ្យពិភពលោកវិញនោះ – គឺផ្តល់ឲ្យអ្នកដទៃដូចជាខ្លួនខ្ញុំ ជាប្រព័ន្ធមួយដើម្បីចូលទៅដល់អតិថិជន។ ដើម្បីលុបបំបាត់ឧបសគ្គចំនួនដែលខ្ញុំបានជួបប្រទះចេញ។” 

ដូច្នេះ នៅលើធ្នើរជាប់នឹងទឹកឃ្មុំឆៅរបស់ក្រុមហ៊ុន Native Nosi អ្នកនឹងឃើញផលិតផលថែរក្សាស្បែកផ្សំគ្រឿងធម្មជាតិ ប័រសណ្តែកដីម៉ារូឡា តែ ម្សៅ និងសូកូឡាដែលសុទ្ធ ឆ្ញាញ់ – ដែលផលិតផលទាំងអស់នោះផលិតដោយសហគ្រិនអាហ្វ្រិកខាងត្បូងជាស្តី្រ ដូចជាខ្លួនគាត់ដែរ ដែលទើបតែកំពុងចាប់ផ្តើមអាជីវកម្ម។ “ខ្ញុំមិនចង់ដោយគ្រាន់តែមានការងារធ្វើនោះទេ។ ខ្ញុំចង់បង្កើតការងារជាច្រើន។ ហើយលើកកម្ពស់យុវជនឆ្នើមដែលមានស្បែកខ្មៅនៅអាហ្វ្រិកខាងត្បូង។ គាត់មានប្រសាសន៍ថា យើងមានភារកិច្ចក្នុងការផ្តល់ឱកាសដល់យុវជនអាហ្វ្រិកខាងត្បូងសម្រេចក្តីសុបិន្តរបស់ពួកគេ”។ “ចាស ផលិតផលរបស់ខ្ញុំគឺទឹកឃ្មុំ។ ប៉ុន្តែគោលបំណងរបស់ខ្ញុំគឺធំជាងនេះទៅទៀត។”