ការពារលោកអ្នកគឺជាអាទិភាពចំបងរបស់យើងខ្ញុំ
Visa បានអភិវឌ្ឍកម្មវិធីមួយដែលជួយធានាថា ការទូទាត់ប្រាក់ត្រូវបានធ្វើឡើងដោយម្ចាស់ គណនេយ្យរបស់ Visa ត្រឹមត្រូវតាមច្បាប់ ដើម្បីធ្វើឲ្យការជាវតាមអ៉ីនធើណេតកាន់តែមានសុវត្ថិភាព។ យើងខ្ញុំមានបំណងធ្វើឲ្យប្រតិបត្តិការពាណិជ្ជកម្មតាមអ៊ីនធើណេតមានសុវត្ថិភាព លឿន និងងាយ ស្រួលដូចគ្នានឹងប្រតិបត្តិការដែលអ្នកធ្វើនៅក្នុងហាងផ្ទាល់។
Visa ជួយការពារប័ណ្ណរបស់លោកអ្នកពីការប្រើប្រាស់ដែលគ្មានការអនុញ្ញាត នៅពេលលោកអ្នកធ្វើការទិញទំនិញតាមអ៊ីនធើណេត ដោយការធ្វើការយ៉ាងជិតស្និទ្ធជាមួយនឹងអ្នកជំនួញ និងធនាគារចេញប័ណ្ណដែលចូលរួម។
តើវាដំណើរការដោយរបៀបណា?
នៅពេលលោកអ្នកទិញទំនិញតាមអ៊ីនធើណេត ហើយឃើញស្លាកសញ្ញា Visa Secure នៅលើគេហទំព័ររបស់អ្នកជំនួញដែលចូលរួម នោះវាមានន័យថា ការជាវតាមអ៊ីនធើណេតរបស់លោកអ្នកត្រូវបានធានាសុវត្ថិភាពដោយ Visa ។ Visa បានអភិវឌ្ឍកម្មវិធីមួយដែលជួយបញ្ជាក់អត្តសញ្ញាណរបស់លោកអ្នក នៅពេលលោកអ្នកធ្វើការជាវតាមអ៊ីនធើណេត។ សេវាកម្មនេះជួយធ្វើឲ្យការទិញទំនិញតាមអ៊ីនធើណេតកាន់តែមានសុវត្ថិភាព ដោយការការពារពី ការប្រើប្រាស់ប័ណ្ណ Visa របស់លោកអ្នកពីការប្រើប្រាស់ដោយគ្មានការអនុញ្ញាត។
មិនថាលោកអ្នកកំពុប្រើប្រាស់កុំព្យូទ័រលើតុ ទូរស័ព្ទ ឬឧបករណ៍ឌីជីថលផ្សេងទៀតមួយណាក៏ដោយ លោកអ្នកនឹងត្រូវបានណែនាំតាមរយៈការត្រួតពិនិត្យបន្ថែមដើម្បីផ្ទៀងផ្ទាត់អត្តសញ្ញាណរបស់លោកអ្នក។ នេះនឹងជួយធនាគារចេញប័ណ្ណរបស់លោកអ្នកដឹងថា វាពិតជារូបលោកអ្នក ហើយការពារលោកអ្នកពីការក្លែងបន្លំបានកាន់តែប្រសើរ។
ជំហានទី 1
ធនាគារចេញប័ណ្ណរបស់លោកអ្នកកំពុងធ្វើការដោយសម្ងាត់ នៅពេលលោកអ្នកកំពុងទិញទំនិញតាមអ៊ីនធើណេត ដោយប្រើប្រាស់បច្ចេកវិជ្ជាជឿនលឿនដើម្បីបញ្ជាក់ពីអត្តសញ្ញាណរបស់លោកអ្នក។ ប្រសិនជាមានការសង្ស័យណាមួយកើតមានឡើង ខណៈពេលដែលលោកអ្នកប្រើប្រាស់ឧបករណ៍ថ្មី ឬក៏ធ្វើការជាវក្នុងចំនួនច្រើនខុសពីធម្មតា នោះលោកអ្នកនឹងត្រូវបានសួរដោយធនាគារចេញប័ណ្ណរបស់លោកអ្នកដើម្បីផ្តល់ព័ត៌មានបន្ថែមដើម្បីបញ្ជាក់ការជាវរបស់លោកអ្នក។
ឧទាហរណ៍៖ លោកអ្នកនឹងកត់សម្គាល់ឃើញសារមួយនៅលើអេក្រង់ទូរស័ព្ទរបស់លោកអ្នក បន្ទាប់ពីលោកអ្នកបានបញ្ចុលព័ត៌មានលម្អិតពីប័ណ្ណ Visa របស់លោកអ្នក។ នេះគឺធនាគារចេញប័ណ្ណរបស់លោកអ្នកកំពុងធ្វើការទំនាក់ទំនងជាមួយលោកអ្នកដោយផ្ទាល់។ ធនាគាររបស់លោកអ្នកមានឧបករណ៍មួយចំនួនដែលអាចជួយផ្ទៀងផ្ទាត់អត្តសញ្ញាណរបស់លោក អ្នកបាន ដូចជាលេខសម្ងាត់តែមួយដង ឬជីវមាត្រ។ ប្រសិនបើលោកអ្នកជួបប្រទះជំហានបន្ថែមបែបនេះ សូមធ្វើតាមការណែនាំនៅលើអេក្រង់ទូរស័ព្ទរបស់លោកអ្នកដើម្បីផ្ទៀងផ្ទាត់អត្តសញ្ញាណរបស់លោកអ្នក។
ជំហានទី 2
ផ្ទុយទៅវិញ ប្រសិនបើលោកអ្នកមិនទទួលបានការស្នើសុំឲ្យធ្វើការត្រួតពិនិត្យបន្ថែមទេ វាមានន័យថា ការត្រួតពិនិត្យសុវត្ថិភាពប្រហែលជាកំពុងកើតឡើងនៅផ្ទៃខាងក្រោយ ហើយលោក អ្នកអាចឃើញកង់មួយកំពុងវិលនៅលើអេក្រង់របស់លោកអ្នក ខណៈដែលការត្រួតពិនិត្យសុវត្ថិភាពកំពុងត្រូវបានធ្វើឡើង។ ធនាគារចេញប័ណ្ណរបស់លោកអ្នកកំពុងតែផ្ទៀងផ្ទាត់ការជាវរបស់លោកអ្នកដើម្បីពិនិត្យមើលថា តើគ្រប់យ៉ាងត្រឹមត្រូវឬយ៉ាងណា។
សំណួរដែលត្រូវបានសួរញឹកញាប់
-
Visa បានអភិវឌ្ឍកម្មវិធីមួយដែលជួយបញ្ជាក់អត្តសញ្ញាណរបស់លោកអ្នក នៅពេលលោកអ្នកធ្វើការជាវតាមអ៊ីនធើណេត។ សេវាកម្មនេះជួយធ្វើឲ្យការទិញទំនិញតាមអ៊ីនធើណេតកាន់តែមានសុវត្ថិភាព ដោយការការពារពី ការប្រើប្រាស់ប័ណ្ណ Visa របស់លោកអ្នកពីការប្រើប្រាស់ដោយគ្មានការអនុញ្ញាត។ លោកអ្នកមិនចាំបាច់ធ្វើការទាញយក តម្លើងកម្មវិធីកុំព្យូទ័រ ឬក៏ចុះឈ្មោះអ្វីទាំងអស់។ នៅអំឡុងពេលជាវតាមអ៊ីនធើណេតចេញពីកុំព្យូទ័រលើតុ ទូរស័ព្ទ ឬឧបករណ៍ឌីជីថលផ្សេងទៀត លោកអ្នកនឹងត្រូវបានណែនាំឲ្យពិនិត្យមើលប័ណ្ណ់បន្ថែមទៀតដើម្បីផ្ទៀងផ្ទាត់អត្តសញ្ញាណរបស់លោកអ្នក។ នេះនឹងជួយធនាគារចេញប័ណ្ណរបស់លោកអ្នកធានាបានថា វាគឺជារូបលោកអ្នក និងការពារលោកអ្នកពីការក្លែងបន្លំបានកាន់តែប្រសើរ។
-
តាមរយៈកម្មវិធីនេះ លោកអ្នកមានស្រទាប់ការពារបន្ថែមមួយជាន់ទៀតដែលជួយរារាំងការប្រើប្រាស់ប័ណ្ណ Visa របស់លោកអ្នកពីការប្រើប្រាស់ដោយគ្មានការអនុញ្ញាត ខណៈពេលដែលកំពុងធ្វើការទិញទំនិញតាមអ៊ីនធើណេត។ សេវាកម្មនេះជួយឲ្យធនាគារចេញប័ណ្ណរបស់លោកអ្នកដឹងថា វាពិតជារូបលោកអ្នក និងសំខាន់បំផុតនោះគឺ វាការពារលោកអ្នកពីការក្លែងបន្លំ។
-
បាន។ សេវាកម្មនេះត្រូវបានបង្កើតឡើងសម្រាប់ប័ណ្ណឥណទានផង និងប័ណ្ណឥណពន្ធផង នៅពេលធ្វើការទិញទំនិញតាមអ៊ីនធើណេត។ នៅពេលលោកអ្នកប្រើប្រាស់ប័ណ្ណឥណពន្ធ Visa របស់លោកអ្នក នោះបទពិសោធន៍ប្រតិបត្តិការតាមអ៊ីនធើណេតរបស់លោកអ្នកនឹងស្រដៀងគ្នានឹងប្រតិបត្តិការដោយប្រើប័ណ្ណឥណទានដែរ ពោលគឺលោកអ្នកមិនចាំបាច់វាយបញ្ចូលលេខកូដសម្គាល់ (PIN) របស់លោកអ្នកទេ។
-
ទេ។ ប័ណ្ណ Visa បច្ចុប្បន្នរបស់លោកអ្នកនឹងដំណើរការបាន ដរាបណាស្ថាប័នហិរញ្ញវត្ថុដែលចេញប័ណ្ណរបស់លោកអ្នកស្ថិតនៅក្នុងកម្មវិធី Visa Secure ។ សូមចូលទៅកាន់គេហទំព័ររបស់ធនាគារចេញប័ណ្ណរបស់លោកអ្នកសម្រាប់ព័ត៌មានបន្ថែម។
-
សេវាកម្មនេះដំណើរការដោយស្វ័យប្រវត្តិនៅកន្លែងទូទាត់ជាមួយនឹងអ្នកជំនួញដែលចូលរួម។ សូមចងចាំថា លោកអ្នកមិនចាំបាច់ទាញយក តម្លើងកម្មវិធីកុំព្យូទ័រ ឬក៏ចុះឈ្មោះគណនេយ្យ របស់លោកអ្នកអ្វីទាំងអស់ដើម្បីទទួលបានស្រទាប់ការពារបន្ថែមមួយជាន់ទៀតនេះ។ នៅពេលប្រើប្រាស់សេវាកម្មនេះ លោកអ្នកជួនកាលនឹងត្រូវបានស្នើសុំនៅកន្លែងទូទាត់ដើម្បីផ្ទៀងផ្ទាត់អត្តសញ្ញាណរបស់លោកអ្នក ប៉ុន្តែនេះគឺគ្រាន់តែដើម្បីធានាថា វាគឺជារូបលោកអ្នក និងការពារលោកអ្នកពីការក្លែងបន្លំ។
-
នៅពេលលោកអ្នកបញ្ចប់ប្រតិបត្តិការនេះ លោកអ្នកនឹងត្រូវបានស្នើសុំឲ្យផ្ទៀងផ្ទាត់អត្តសញ្ញាណ របស់លោកអ្នក ប្រសិនបើការបញ្ជាក់បន្ថែមត្រូវបានទាមទារ។ ប្រការសំខាន់នោះគឺត្រូវមានបម្រុងប្រយ័ត្នជាពិសេស នៅពេលធ្វើការទិញទំនិញតាមអ៊ីនធើណេត។ ជំហានផ្ទៀងផ្ទាត់បន្ថែមនេះ នឹងជួយធានាថាបុគ្គលដែលកំពុងប្រើប្រាស់ប័ណ្ណនេះគឺជារូបលោកអ្នក។
-
ស្ថាប័នហិរញ្ញវត្ថុដែលចេញប័ណ្ណរបស់លោកអ្នកមានឧបករណ៍មួយចំនួនដែលអាចជួយផ្ទៀងផ្ទាត់អត្តសញ្ញាណរបស់លោកអ្នកបានដូចជាលេខសម្ងាត់តែមួយដង ឬជីវមាត្រ។ ប្រសិនបើលោកអ្នកជួបប្រទះជំហានបន្ថែមបែបនេះ សូមធ្វើតាមការណែនាំនៅលើអេក្រង់ទូរស័ព្ទរបស់លោកអ្នកដើម្បីផ្ទៀងផ្ទាត់អត្តសញ្ញាណរបស់លោកអ្នក។
-
ប្រសិនបើលោកអ្នកពិតជាជួបប្រទេះជំហានផ្ទៀងផ្ទាត់បន្ថែមនេះមែន នោះ Visa នឹងជួយបញ្ជូនព័ត៌មានទៅកាន់ស្ថាប័នហិរញ្ញវត្ថុរបស់លោកអ្នក ដើម្បីឲ្យពួកគេអាចផ្ទៀងផ្ទាត់អត្តសញ្ញាណរបស់លោកអ្នកបាន។ ស្លាកសញ្ញា Visa នេះគឺមានដើម្បីផ្តល់ជូនលោកអ្នកនូវទំនុកចិត្តថាការបញ្ជូនព័ត៌មានគឺមានសុវត្ថិភាពនិងអាចទុកចិត្តបាន។
-
ទេ។ ទោះបីជាស្លាកសញ្ញា Verified by Visa លែងត្រូវបានប្រើប្រាស់តទៅទៀតក៏ដោយ បច្ចេកវិជ្ជាដូចគ្នាត្រូវបានប្រើប្រាស់ដើម្បីជួយការពារលោកអ្នក។ តាមពិត សេវាកម្មនេះត្រូវបានកែលម្អបន្ថែមនាពេលថ្មីៗនេះដើម្បីធ្វើឲ្យប្រតិបត្តិការកាន់តែមានសុវត្ថិភាព និងធ្វើឲ្យបទពិសោធន៍របស់អ្នកប្រើប្រាស់កាន់តែមានភាពរលូន។